هما مين .. واحنا مين .. ؟ للشاعر احمد فؤاد نجم

هما مين و إ حنا مين .. ؟
هما الأمرا و السلاطين ..
هما المال و الحكم معاهم ..
و إحنا الفقرا المحرومين
حزر فزر شغّـل مخك
شوف مين فينا بيحكم مين ؟!!
..............
إحنا مين و هما مين ..
إحنا الفعلا البنايين
إحنا السنة و إحنا الفرض
إحنا الناس بالطول و العرض
من عافيتنا تقوم الارض ..
و عرقنا يخضر بساتين
حزر فزر شغل مخك
شوف مين فينا بيخدم مين ..؟؟!!
................
هما مين و إحنا مين ؟؟
هما الامرا و السلاطين
هما الفيلا و العربية
و النساوين المتنقية
حيوانات استهلاكية
شغلتهم حشو المصارين
حزر فزر شغل مخك
شوف مين فينا بياكل مين ..؟؟!!!
....................
إحنا مين و هما مين
إحنا قرنفل على ياسمين
إحنا الحرب : حطبها و نارها
و إحنا الجيش اللي يحررها
و إحنا الشهدا بكل مدارها
منكسرين أو منتصرين
حزر فزر شغل مخك
شوف مين فينا بيقتل مين ..؟؟!!!
................
هما مين و إحنا مين
هما الامرا و السلاطين
هما مناظر بالمزيكا
و الزفة و شغل البوليتيكا
و دماغهم طبعاً استيكا
بس البركة بالميازين
حزر .. فزر شغل مخك
شوف مين فينا بيخدع مين ..؟؟؟!!!
.....................
هما مين و إحنا مين
هما الامرا و السلاطين
هما بيلبسوا أخر موضة
و إحنا بنسكن سبعة في أوضة
هما بياكلوا حمام و فراخ
و إحنا الفول دوخنا و داخ
هما بيمشوا بطيارات
و إحنا نموت بالاوتوبيسات
هما حياتهم بامبي جميلة
هما فصيلة و إحنا فصيلة
حادي يا بادي يا عبد الهادي
يا اللي عليك قصد الغنوادي ( الغنوة دي أو هذه الاغنية )
لما الشعب يقوم و ينادي
يا إحنا يا هما في الدنيا دي
حزر فزر .. شغل مخك
شوف مين فينا حيغلب مين

اخي

يا من اختار فابدع

وعرض لنا فامتع

الخازندار

حقا ً اخي

قصيده رائعه لاحمد فؤاد نجم

الشاعر الثائر دائما ً

الذى يجعل من كلماته شعلات نيرن

تلهب صدورنا

وتشعل الحماس فينا

دمت لنا اخي

ودام لنا

رقي اختيارك

وجمال فكرك

وروعة ابهارك

بدر الدين يار

الحب طريقي ... و الشعر لساني

انظر بفؤادك ... حقا ً ستراني

بدر الدين يار كتب:: اخي

يا من اختار فابدع

وعرض لنا فامتع

الخازندار

حقا ً اخي

قصيده رائعه لاحمد فؤاد نجم

الشاعر الثائر دائما ً

الذى يجعل من كلماته شعلات نيرن

تلهب صدورنا

وتشعل الحماس فينا

دمت لنا اخي

ودام لنا

رقي اختيارك

وجمال فكرك

وروعة ابهارك

بدر الدين يار

الحب طريقي ... و الشعر لساني

انظر بفؤادك ... حقا ً ستراني

صديقي بدر الدين
اشكر مرورك وكلماتك الرائعة
انتظرت كثيرا لكي اعرف راي شاعر معسكرنا في اختياراتي
واخيرا استطعت ان الفت انتباه رقي احساسك
تشرفت بمرورك وتحمست بكلماتك
دام لنا تشجيعك لاختياراتنا
الـــخــــــازنــــــــدار

» كأنك مفيش للشاعر احمد فؤاد نجم
» الجحش قال للحمار ( احمد فؤاد نجم )
» نواصل بعض ما كتبه احمد فؤاد نجم
» بوتيكات لأحمد فؤاد نجم